Er einhver þreyttur á krepputali?

Hlusta mikið í frítímanum á Bylgjuna

En hef á þessum síðustu og verstu, fundið fyrir auknu þunglyndi af þessari hlustun. Alltaf einhverjir leikmenn sem vita alltaf best. Svo eru þessir kjaftaþættir endurfluttir æ ofan í æ.

Ég svona "venjuleg" manneskja fatta ekkert um hvað er verið að tala, nema bara þetta augljósa, ok, krónan, bankarnir og það allt farið "búið"...

Hef mikla samúð með þeim sem spenntu bogann of hátt og eru að missa allt sitt, vegna sömu leikmannanna sem gaspra út í eitt.

Þá kemur að lærdómnum..... Kannski lærum við af þessu, að peningur er ekki allt. Hugsum meira um okkar nánustu. Börnin okkar vilja meiri tíma með foreldrunum, ekki flott dót. Og foreldrar okkar vilja meiri tíma með okkur börnunum, en allir alltof uppteknir í dansinum í kringum Mammon.

Íslendingar....... stoppum aðeins, hættum að vera svona fyrrt.

Elskum hvort annað, hugsum um hvort annað og munum að við getum gefið fullt af jólagjöfum, sem kosta ekki neitt. :)