Skólinn að byrja

Jæja, þá er mín að byrja aðra önnina í fjarnáminu. Fór í dag að viða að mér námsbókunum. Byrjaði á bókasafninu en gat bara fengið 2 bækur af 7 þar, þannig að við sonurinn skutluðumst í Griffil, þar sem á að vera ódýrast að versla skólabækurnar. Fékk 4 bækur þar og varð fátækari um 10.000 kall. Samt voru tvær skiptibækur með í pakkanum. Það er víst svolítið dýrt að mennta sig. En nóg með það.

 Sonurinn sem er búinn að vera með bílpróf í tæpa 3 mánuðu, var alveg gáttaður á umferðinni í dag. Spurði mig hvort það væri fullt tungl eða eitthvað. Hann lenti í því að það var bakkað á hann kyrrstæðan ( litlar skemmdir og engin slys ), ökumenn voru óvenju pirraðir og hann var sjálfur nærri búinn að keyra aftan á. Síðan er hann vitni og fyrstur á staðinn við umferðarslys, hringdi í 112 og róaði þann slasaða sem var aðalega í sjokki en ekki mikið slasaður. ( keyrt á staur ). Hann þurfti að gefa skýrslu og allt það. Þannig að greyið litla kom heim síðdegis eftir annasaman dag og sagðist ekki ætla að hreyfa bílinn meira þennan sólarhringinn. En það skemmir ekki krakkana okkar, kennir þeim, svo ég ætla að vona að hann verði bara betri bílstjóri eftir þennan erfiða dag.

 Og elskurnar, það er ekki svo erfitt að gefa stefnuljós, er það? En held að umferðin myndi ganga mun betur ef við gætum munað hvar stefnuljósastöngin er .

Hafið það sem best og góða nótt

Athugasemdir

[Bjarndís Helena Mitchell, 13.9.2007 kl. 08:22]

Já, það er ekki hlaupið að því að keyra í henni Reykjavík. Gott samt að strákurinn hafi fengið smá reynslu af því óvænta sem ber að garði í umferðinni. Með stefnuljósin er ég alveg sammála þér, það myndi spara heilmikið ef allir gætu verið svo vænir að láta vita þegar beygja á í aðrahvora áttina. Það getur bara virkað eldfimt á tæpt skap, þegar beðið er við biðskyldu eftir bíl, passað sig að svína ekki fyrir, en þá bara beygir hann í aðra átt fyrirvaralaust, og akkúrat þá, er annar bíll að koma úr gagnstæðri átt og viðkomandi á biðskyldunni þarf að bíða enn og aftur. Aaarrrggh! Knús