Geitungar Hjálp Skordýrafræðingur óskast

Furðulegt á seyði í húsinu..... á föstudaginn fann ég drulluslappann geitung í einum glugganum. Alltílæ með það og var honum hent snarlega út. Um kvöldið kemur sonurinn hlaupandi niður og tilkynnir okkur um geitunga í herberginu hans. Eftir snarpan bardaga með eitur og dagblöð lágu 4 í valnum. Næsta morgunn er okkur tilkynnt að 9 í viðbót hafi birst en allir hálfdauðir og verið komið fyrir kattanef, (sem er klósettið)  Síðan eru að finnast einn og einn í viðbót, en enginn sérstaklega sprækur. Þessi ófögnuður er einskorðað við eitt herbergi og gluggarnir kyrfilega lokaðir alla helgina. Er farin að gruna að bú leynist einhverstaðar undir súðinni. En það hefur ekkert borið á þessu vandamáli í allt sumar, en af hverju ættu þeir hálfdauðir að fara á kreik núna??? Einhver skordýrafræðingur með svar á reiðum höndum?

En elskurnar, ef þið eru með skýringuna á þessu, endilega að láta mig vita. Vil helst ekki trufla köngullóarmanninn (sem eitraði utan húss í vor) ef þetta er ekki neitt. Þetta er samt svolítið mikið. 20 stk á 3 dögum í einu herbergi. Bíð bara og vona að óværan láti aðra hluti hússinns í friði. Ef ekki, er ég flutt. Er með risastóra fóbíu fyrir kóngulóm og stórum pöddum sem fljúga og stinga, líka fyrir þeim litlu sem skríða eða hoppa og bíta oooojjjjj.

Núna er ástandið þannig að ég voga mér bara ekki inn í herbergið hans til að þrífa upp þessi ógeðslegu líkReyndar var klósettið uppi sneisafullt af dauðum geitungum, en þar voru þeir greftraðir

SOOOOOO PL'IS HELP MY

 

Athugasemdir

[Bara Steini, 18.9.2007 kl. 02:26]

Góða kveldið. Þetta er algengt vandamál sem ég var einmitt að ræða við mann í dag. Það  er að öllum líkindum bú undir súð eða nálægt og nú þegar tekur að kulda svo mikið þá leita þeir í allan yl sem þeir komast í. En þeir verða víst dauðir eða dottnir í dvala eftir ekkert langan tíma. Þetta er bara tímabundið.

[Bjarndís Helena Mitchell, 18.9.2007 kl. 03:30]

Æ, leiðinlegt. Ég skil alveg þessa fóbíu, er haldin henni sjálf. Ég kann engin ráð, en eins og "Bara Steini" segir, þá er líklega um bú, undir súð eða nálægt um að ræða. Ég myndi persónulega hringja í meindýraeyði, til að athuga hvort að líf geti kviknað í sama búi, næsta sumar. Ef svo er, myndi ég láta fjarlægja það hið snarasta og vera laus við ófögnuðinn. Gangi ykkur vel, ég öfunda ykkur ekki af þessu.....