Okrið er víst allstaðar

Við erum að fara að skipta út eldhúsinu okkar. Keyptum þessa íbúð fyrir 2 árum og eldhúsið er viðbjóður. Við erum búin að fara út um allt að skoða innréttingar en ákváðum að fá verðtilboð frá Ikea. Þar sem við vöðum ekkert í peningum, töldum við eftir nákvæma skoðun, að það væri hagkvæmast. Í okkar pínulitla eldhús ca. 5 fermetrar, var meðalverð þetta 5-6 hundruð hjá öðrum verslunum og var uppsetning yfirleitt innifalin. Svo kom mail frá hönnunardeildinni í Ikea..... Mjög ódýrt..... Nei, þeir báðu um 400,000 fyrir ósamsetta innréttingu. Við misstum hökuna niður á bringu. Við erum búin að fara nokkrum sinnum í Ikea og skoða þessa innréttingu og miðað við verðið á þessari uppsettu í búðinni, áætluðum við að kostnaðurinn væri ca. 200 - 300 þús.

En nú höfum við sett okkur í samband við trésmíðaverkstæði sem kannski getur boðið betri díl, kannski ekki í krónum, en þá er innréttingin sérsmíðuð og uppsetningin fylgir og munar bara um einn 100.000 kall 

Þannig að boðskapur dagsins er: Passið ykkur á Ikea

Athugasemdir

[Bjarndís Helena Mitchell, 5.10.2007 kl. 01:44]

Takk fyrir ábendinguna, ég þarf nefnilega að fara í framkvæmdir sjálf. Gott væri að fá að vita hvaða verkstæði þetta er sem um ræðir. En gangi ykkur vel með herlegheitin

[Fishandchips, 5.10.2007 kl. 02:41]

Kemst enganvegin inn á að commenta á síðuna þína. Og annara. Tölvudruslan á gelgjuskeiðinu.

Annars var þetta trésmíðaverkstæði Björninn. En við eigum kannski hæg heimatök, þar sem einn eigandinn býr í kjallaranum. En þeir eru oft með góða díla fyrir stærri verkefni. Mamma og stjúpi eru mjög ánægð með baðinnréttinguna, sem er að verða 20 ára gömul. Hún var í rauninni ódýrari en aðrar lausnir.

Alltílagi að kanna þetta hjá Birninum.