Hef tekið eftir svolitlu sérstöku undanfarið...

Hef heyrt talandann á unglingstelpum og fundist hann svolítið undarlegur. Gat ekki beint sett puttann á það sem mér fannst undarlegt. En þar sem ég á bara stráka og finn ekki þessa breytingu á þeim eða vinum þeirra, hef ég lagt við hlustir síðastliðin misseri og reynt að átta mig á hvernig þær tala öðruvísi. Þetta var eitthvað í sambandi við hreimminn hjá þeim sem pirraði mig. Og það var sama hvar ég kom, stelpur á aldrinum ca. 12 - 16 ára töluðu allar með þessum sérstaka hreim

Svo birtist ljósið í kvöld. Datt inn í þátt með elskunni henni Sylvíu Nótt og þar fann ég þennan unglingstelpnahreim.

Er það virkilegt að krakkarnir okkar læri meira af tilbúnum sjónvarps/tövu fígúrum, en af foreldrum og umhverfi. Og afhverju virðast stelpur vera meira móttækilegar og vilja líkjast goðinu meira? Ég meina, þetta hlýtur að vera heilmikið mál að læra að tala eins og Silvía Nótt. Held að okkar ástkæra ylhýra verði smá skrítið eftir 20 ár, en þá verð ég löngu komun undir græna, þannig að ég verð bara skrattinn á öxlinni á ungmennunum og hvísla góðri íslensku í eyru.

En góða nótt... ég hélt að ég væri sú eina sem fer oftast svona seint að sofa, en sé að margir bloggverjar eru líka b-manneskjur.

Athugasemdir

[SM, 24.10.2007 kl. 01:23]

hef tekið eftir þessu líka, hljómar ekki vel.

[Fishandchips, 24.10.2007 kl. 01:43]

Nei, þettar hljómar alls ekki vel

[Kvenndýrið, 24.10.2007 kl. 03:58]

Sæl takk fyrir athugasemdina við bloggið mitt, en ég er nú bara í stúdentsnámi :)
Ekkert merkilegra en það.

Hef tekið eftir þessu sem þú ræðir um, snýst það ekki bara um tímaleysi eða áhugaleysi foreldra að vera börnum sínum fyrirmynd?

Þetta er verulega slæm þróun.

[Anna Sigga, 24.10.2007 kl. 09:10]

  Ég er nú hreinlega að vona að þetta máist af að gelgjunni lokinni. 

 Ég ætla nú að vona að þú ætlir þér bara hreinlega ekki að vera hér að 20 árum...  held að þú sérst e-ð að misreikna þig