Brjálað veður!!! Ha, hvar???

Hrökk upp í morgun við 9 fréttirnar. Þar var tilkynnt að snarbrjálað veður væri hérna í höfuðborginni og að við værum að mestu fennt inni, þar sem Reykjanesbrautin, Hellisheiðin og Þrengslin væru lokuð. Rauk með andfælum upp úr rúminu og þreif gardínuna frá glugganum. En viti menn, bara logn og blíða hérna í 105. Smá snjór, en engir skaflar.

Fór auðvitað á netið að athuga með umheiminn. Jú,jú, einhver skafrenningur og él í morgunsárið, en ástæða vegalokana...... Yfirgefnir vanbúnir bílar þvers og kruss, þannig að ruðningstækin komast ekki að.

Halló, við búum á Ísland, lengst upp við Norðurpól. Það er vetur, snjór og hálka megnið af árinu. Erum við landarnir orðnir svona úrkynjaðir að heilbrigð hugsun kemst ekki lengur að?

Er bara rasandi yfir þessari hegðun. Ekki bara að þeir heimskingjar sem fara af stað á sumardekkjunum, og jafnvel yfir fjallvegi, stoppi ekki aðeins umferðina, heldur hættuna sem þetta skapar. Og þá ekki bara fyrir þá sjálfa, heldur ekki síst samferðamennina í umferðinni.

Held bara að það ætti að svipta þá ökumenn réttindunum sem festa eða valda tjóni á vanbúnum bíl.

 

 

 

 

 

 

 

 

Athugasemdir

[Bjarndís Helena Mitchell, 26.1.2008 kl. 00:18]

Hér var brjálað veður, og varla hundi út sigandi, sé ekki enn út um gluggana á húsinu mínu því snjorinn er frosinn á þeim öllum að utanverðu. Þó að minn bíll sé ekki vanbúinn komst ég ekki leiðar minnar í dag. Átti erindi í bæinn, en varð að fresta. Það er langt síðan að ég hef upplifað svona mikinn snjó hérlendis, man eftir honum í æsku, en ekki svona mikinn síðan þá.